Chega o Nadal e a nosa biblioteca encheuse de luz, historias e espírito festivo! 📚✨

Un ano máis preparamos unha selección de contos de Nadal para que o alumnado poida mergullarse nas historias máis máxicas: aventuras, tradicións e valores que nos inspiran a compartir, colaborar e soñar.

Ademais, decoramos a entrada do cole con casiñas feitas de cartón e outros materiais reciclados ♻️. Esta iniciativa forma parte do noso proxecto anual sobre o coidado do medio ambiente, lembrándonos que podemos celebrar as festas sendo respectuosos co planeta. Cada casa é única, feita polos nenos e nenas con moita creatividade e ilusión.

🌟 A biblioteca convértese así nun lugar para ler, aprender e reflexionar sobre a importancia de coidar o noso entorno, ao mesmo tempo que desfrutamos do Nadal.

 

Na nosa biblioteca conmemoramos o día da Discapacidade, un momento para reflexionar sobre a importancia da inclusión, o respecto e a empatía. 

Cada persoa é única, e as nosas capacidades poden ser diferentes, pero iso non nos impide aprender, xogar, ler e compartir momentos xuntos. Para conmemorar este día, preparamos unha selección de libros e contos que nos axudan a coñecer distintas experiencias, entender as dificultades que outras persoas poden vivir e valorar a riqueza da diversidade.

Animamos ao alumnado a achegarse á biblioteca, descubrir estas lecturas e participar nas actividades que propoñemos, fomentando a solidariedade, o respecto e a amizade entre todos e todas. 🌈

 Porque todos e todas temos dereito a ser escoitados, comprendidos e incluídos.

Ademáis o noso centro participou nunha actividade moi especial xunto co alumnado do Centro de Educación Especial Santa María: unha carreira conxunta ao estilo da San Silvestre! 🏃‍♂️🏃‍♀️💛

Foi un momento cheo de alegría, compañeirismo e espírito de equipo, no que todos e todas puidemos compartir deporte, risas e diversión, celebrando a diversidade e a inclusión en acción. Cada paso da carreira recordounos que, aínda que as nosas capacidades poidan ser diferentes, todos podemos participar, aprender xuntos e gozar dunha experiencia compartida. 🌈

Ademais, na biblioteca preparamos unha selección de libros e contos sobre diversidade funcional, para seguir reflexionando e aprendendo sobre respecto, empatía e solidariedade.

Grazas a todo o alumnado, profesorado e ao Centro Santa María por facer desta actividade un momento inesquecible!

 

No noso centro sumámonos á conmemoración do 25 de novembro, Día Internacional para a Eliminación da Violencia contra a Muller. 

Este día é unha oportunidade para reflexionar, aprender e concienciar sobre a importancia do respecto, da igualdade e da non violencia en todas as relacións. Na biblioteca preparamos unha selección de libros e contos que nos axudan a falar destas temáticas de forma adecuada para todas as idades, fomentando o diálogo, a empatía e o respecto mutuo.

Animamos ao alumnado a achegarse, descubrir estas lecturas e participar nas actividades que propoñemos para reflexionar e aprender xuntos. Cada pequena acción conta na loita contra a violencia de xénero.

 

Este ano celebramos o Magosto  cunha xornada chea de sabor e música. Contamos coa presenza dunha castañeira que nos ensinou todos os segredos das castañas e as mellores formas de preparalas, e tamén de Blanca Villares  que encheu o espazo de cancións alegres para que todos e todas puidésemos cantar e bailar .

O alumnado desfrutou aprendendo, probando as castañas e participando activamente nesta festa tan tradicional. Foi un momento perfecto para compartir, rir e vivir a cultura e as tradicións do outono xuntos.

Dende a biblioteca recordándonos que os libros e as historias están moi ligados ás nosas raíces e ás festas populares.

Foi unha xornada unha experiencia inesquecible!

Agardamos con ilusión o próximo Magosto!

 

O Samaín chegou á nosa biblioteca e ao cole! 🍂🎃 Un ano máis , ademais das nosas tradicionais cabazas decoradas por todos os nenos e nenas do centro, preparamos unha selección de contos perfectos para mergullarse no espírito desta festa.

Na biblioteca atoparedes historias de medo, aventuras cheas de misterio e contos con personaxes divertidos que vos farán rir… e talvez tamén arrepiárvos un pouco! 

As cabazas do cole, cada unha co seu toque único, enchéronnos de cor e imaxinación, creando un ambiente máxico para ler e xogar. Foi emocionante ver a creatividade de todo o alumnado reflectida neste pequeno “bosque de cabazas” no noso espazo.

Animámosvos a vir ver as cabazas, descubrir os contos de Samaín e gozar dunha lectura arrepiante neste outono. 

 E ti, xa tes o teu conto favorito de medo para este Samaín?

 

   Este Samaín tivemos a sorte de recibir un ano máis na nosa biblioteca a visita da escritora e mamá do cole, Ana Meilán, que nos presentou o seu libro Xertrudis busca traballo. Durante o encontro, o alumnado puido coñecer de primeira man a autora, escoitar a historia de Xertrudis busca traballo e descubrir como nacen os libros e os seus personaxes. Ademáis este libro é un dos elixidos para o noso Club de lectura.

   Foi unha actividade chea de imaxinación, risas e tamén algún toque “terrorífico”, moi acorde con estas datas. Ademais, tivemos a oportunidade de participar, facer preguntas e compartir as nosas impresións sobre a lectura, convertendo a biblioteca nun espazo vivo de encontro coa literatura.

   Grazas a Ana Meilán por acompañarnos nesta xornada tan especial e por achegarnos un pouco máis ao marabilloso mundo dos libros.

Agardamos con ilusión a próxima visita!

 

         Coa chegada do Samaín, a nosa biblioteca transfórmase nun espazo cheo de misterio, imaxinación… e algún que outro susto! Durante estes días, organizamos diferentes obradoiros para que o alumnado poida gozar desta celebración tan especial. Realizaremos actividades creativas como elaboración de  decoracións de Samaín, contos de medo e outras sorpresas arrepiantes. A través destes obradoiros, queremos fomentar a creatividade, o gusto pola lectura e o traballo en equipo, sempre nun ambiente divertido e acorde coa temática.

Coma outros anos participaron moit@s nen@s que deixaron voar a imaxinación… e mergulláronse no lado máis misterioso da biblioteca!

 

Coa chegada do outono, os días fanse máis curtos, as temperaturas baixan… e apetece máis ca nunca acubillarse cun bo libro.

Dende a biblioteca escolar queremos propoñervos unha selección de lecturas perfectas para esta época do ano: historias de misterio, aventuras emocionantes e contos cheos de maxia que vos farán viaxar sen saír do sofá.

É o momento ideal para descubrir novos libros, reler os vosos favoritos ou deixarvos sorprender por historias diferentes.

Animámosvos a pasar pola biblioteca, escoller a vosa próxima lectura e gozar deste tempo de outono entre páxinas.

 Cal será o voso libro para este outono?

Agardámosvos na biblioteca!

 

     Co inicio do novo curso, a nosa biblioteca escolar abre de novo as súas portas con moita ilusión e ganas de compartir lecturas, aprendizaxes e momentos especiais.

     Como cada ano, un dos momentos máis importantes é dar a benvida ao alumnado que comeza a etapa de Primaria. Para eles e elas, organizamos pequenas sesións nas que lles ensinamos como funciona a biblioteca: como coidar os libros, como atopalos nas estanterías e como facer uso do préstamo.

A través destas actividades, buscamos que se sintan cómodos neste espazo, que descubran todo o que a biblioteca pode ofrecerlles e que pouco a pouco se convertan en grandes lectores e lectoras.

A biblioteca é un lugar para aprender, imaxinar e gozar… e está aberta para todos e todas!

Agardámosvos!

 

        PROXECTO DA BIBLIOTECA 2024-25

 A biblioteca continúa a ser un elemento dinamizador da maioría das actividades, que contribúe á formación multidisciplinar do alumnado.

Este curso eliximos como proxecto da biblioteca “ As escritoras contemporáneas, elas escriben o futuro”. Este proxecto estivo moi relacionado ca participación no programa 21 Días co Galego e + , que convertíu a biblioteca nun lugar de contacontos , regueifas, obradoiros, charlas en galego…escenario de vídeos que tivemos que presentar. Tamén estivo relacionado co proxecto de dinamización das

Cantareiras, sendo lugar de ensaio das cantigas, de lectura de cantigas, gravacións, dotando o centro de libros destas temáticas, decorando o centro, entre outras cousas.

Con motivo do programa 21 Días co Galego e + cada clase tocoulle unha escritora

galega contemporánea e tiveron que traballar sobre elas, por medio dos seus contos e novelas, visionado de vídeos e tamén decoraron cada porta da clase con debuxos e imaxes de cada escritora asignada. Foron un total 19

escritoras: Eva Mejuto, Paula Carballeira, Berta Dávila, Teresa Moure, María Solar, Ana Meilán, Ledicia Costas, Andrea Maceiras, Fina Casalderrey, Marica Docampo, Beatriz Maceda Abelairas, María Reimóndez, Antía Yáñez, Antía Yáñez, Rosa Aneiros, Marilar Aleixandre, Yolanda Castaño, Inma López Silva, María Xosé Queizán e Xulia Pisón.

MARICA CAMPO

A temática do proxecto da Biblioteca deste ano é "Escritoras contemporáneas, elas escriben o futuro". Por iso foi unha fortuna recibir, como colofón deste proxecto, a visita da gran escritora lucense Marica Campos. 

Foi un pracer escoitala. Contounos aventuras destes estes anos como escritora, mestra e poeta. E respondeu con moitísimo cariño todas as preguntas do nos alumnado.  

Ademáis un dos seus libros "E Xoel aprendeu a voar" foi elidido polo alumnado de 5º para o club de lectura que comenzamos este ano.

Agradecémoslles a súa visita, a súa amabilidade e cercanía.

CLUB DE LECTURA

 A creación do Club de Lectura, foi moi ben acollida. O noso club está formado por varios grupo de

lectores que se reuniron para comentar o libro que todos escolleran entre todos dunha serie de lecturas

propostas pola coordinadora. O final a organización dos cursos foi diferente do establecido e o fixemos, para

2º, 4º e 5º. As reunións foron na Biblioteca, nunha sesión no recreo cada mes. A coordinadora encargouse

de moderar as sesións, expor preguntas que estimulasen a intervención de todos os membros do grupo e

organizar actividades referentes as lecturas seleccionadas. Para as lecturas escollemos colección de libros

da biblioteca, un cómic que triunfa no nosos cole “O capitán lentella”, o curso pasado tivemos a sorte de

facer un obradoiro de banda deseñada con Jorge Campos e foi un éxito e como os seus debuxos triunfan

no noso cole o alumnado de 4º escolleu “Xulia Belavista,detective animalista” de Diego Ameixeiras,

pero con ilustracións de Jorge Campos e para 5º “E Xoel aprendeu a voar” de Marica Campo que nos

vai visitar o mércores 11 de xuño.

 17 de Maio.

 Para conmemorar o “Día das letras galegas” fixemos unha exposición na entrada dunha selección de libros e carteis sobre as homenaxeadas este ano: as cantareiras e a poesía popular oral, representadas por Adolfina e Rosa Casás, Eva Castiñeira, Prudencia e Asunción Garrido e Manuela Lema. Tamén fixemos unha actuación no patio, catamos unha cantiga infantil e outra primaria que preparamos no obradoito, ademáis contamos ca actuación dunhas cantareiras moi especiais da nosa comunidade educativa.

 Día do libro

Como cada ano no noso centro celebramos o Día do libro da mellor maneira... lendo contos!!! Os maiores do cole leen un conto os máis pequenos, unha actividade que lles encanta porque pasados uns anos os pequenos serán os maiores e farán o mesmo. Para conmemorar este día tamén fixemos unha exposición na entrada de fotografías do alumnado e mestr@s posando cun libro dunha escritora galega acompañadas dunha selección de libros de escritoras e escritores galegos.

 DÍA INTERNACIONAL DO TEA

Con motivo do día internacional do TEA (2 de abril) dende a biblioteca propuxemos a lectura de contos sobre esta temática clasificados por cursos.

DÍA DA POESÍA

O Día Mundial da Poesía conmemora unha das formas máis prezadas da expresión e identidade e lingüística da humanidade. A poesía,fala da nosa humanidade común e dos nosos valores compartidos, transformando o poema máis simple nun poderoso catalizador do diálogo e a paz. Neste curso adicado as escritoras galegas contemporáneas, fixemos unha recopilación de libros de poetas contemporáneas.

DÍA DA ALTA CAPACIDADE

 Con motivo do día da ALTA CAPACIDADE (14 de MARZO) dende a biblioteca propuxemos a lectura de contos sobre esta temática clasificados por cursos.

 8 M , día da MULLER

Coma todos os anos dende o noso centro conmemoramos o 8 de marzo.  Fixemos unha exposición na entrada das 19 escritoras escollidas, cunha selección de libros destas escritoras contemporáneas entre outras, provomendo así a lectura de libros actuais escritos por mulleres. E promovemos a lectura de diferentes contos que tratan esta temática, como "Os pantalóns de Luisa" conto que fala dunha nena valente que loitou polo que cría xusto e defendeu a igualdade das mulleres. 

Algunhas clases fixeron debuxos das mulleres da súa vida.

              Programa 21 días co galego e +

Esta iniciativa de dinamización lingüística nace para que o alumnado fale máis o galego e perfeccione o seu uso dentro e fóra das aulas e que, alén diso, analice a súa relación coas linguas que coñece, e máis concretamente coa nosa, para ver cal é o lugar que ocupa ou pode ocupar na súa vida. A través de este programa fomentamos o uso do galego no noso centro facendo vídeos para dar a coñecer a nosa comunidade educativa, interviñeron en programas de radio galega, recitado de poemas, obras de teatro... deu moito traballo durante varios meses pero o alumnado desfrutouno moitísimo.

 

Día de Rosalía De Castro.

 Con motivo do día de Rosalía De Castro (23 de febrero), os alumn@s de 1º e 2º fixeron un vídeo recitando diferentes poemas da autora.

DÍA DA PAZ

 Con motivo do día da PAZ  (30 de xaneiro) dende a biblioteca propuxemos a lectura sobre temas relacionado ca PAZ(a guerra, o bulling, a emigración,...) ,asignamos un libro para cada clase.